Fysioterapi
Fysioterapi inngår som ein del av kommunen si helseteneste jmf lov om kommunale helse- og omsorgstenester.
Hovedoppgåvene til fysioterapeutane er:
• Helsefremmande og førebyggande arbeid
• Undersøkje, vurdere og behandle individuelt og i grupper.
• Habilitering og rehabilitering
• Rettleiing, rådgjeving og undervisning av ulik art og for ulike målgrupper.
Fysioterapitenesta i Årdal kommune består av to kommunale fysioterapeutar, samt turnuskandidat, og fire privatpraktiserande fysioterapeutar med driftsavtale med kommunen.
Kommunal fysioterapi er delt i to ansvarsområde:
- Fysioterapi for born og unge opp til 18 år samt gravide og barselkvinner. Tenesta tilbyr i tillegg firemånaderskontroll av babyar, barselinformasjon og motorisk kartlegging av alle 1. klassingar.
- Fysioterapi for vaksne har ansvar for pasientar med samansette behov og tverrfagleg oppfølging, som er inneliggande på institusjon, som treng behandling i heimen eller har behov for lymfødembehandling. Tenesta driv i tillegg førebyggande gruppeaktivitetar for vaksne/eldre i kommunen.
Det er eigenandel på fysioterapi for alle over 16 år, med unntak av godkjent yrkesskade og dei som er på institusjon.
Privatpraktiserande fysioterapeutar
Dei privatpraktiserande fysioterapeutane er alle lokaliserte i Øvre Årdal. Dei har ansvar for personar med behov for fysioterapi ut over dei kommunale ansvarsområda.
Frå 01.01.18 kan ein ta direkte kontakt med fysioterapeut utan henvisning frå lege.
