Framside @ ardal.custompublish.com

Entreprenørmesse i Luster 2012

Tue, 08 May 2012 11:37:43 +0200

Entreprenørmessa i Luster 2012 8AB på Farnes skule var invitert til entreprenørmesse i Luster, Gaupne, torsdag 3.mai. I idrettshallen i Gaupne såg vi mange utstillingar der elevbedrifter hadde presentert arbeida sine. Mange gode tips til vi sjølve skal i gang med liknande prosjekt i 9.klasse. I tillegg høyrde vi eit godt føredrag av gründer og treningsguru, Yngvar Andersen. Vi var også på bedriftsbesøk og fekk til slutt ei omsyning på nesten ferdig symjehall i Gaupne sentrum. Det var eit flott anlegg, som truleg opnar i oktober 2012. Ein fin dag! 8.-klasse-teamet

Bruk hovudet, bruk hjelm! Bruk lys, bli sett!

Fri, 13 Apr 2012 11:38:16 +0200

På onsdag fekk 4. klassingane utdelt hjelmar av Årdal Tenk Tryggleik. Hjelmane er i år betalte av Indre Sogn Sparebank, medan det var Sparebanken Sogn og Fjordane som tok kostnaden i fjor. FAU, representert ved Frank Eldegard, har skaffa flotte sykkellykter til god pris frå Sportshuset AS . Laila Hansen, Indre Sogn Sparebank og Lena Andersen, politiet, var også med på utdelinga. Farnes skule er heldige som har gode samarbeidspartnerar som ser nytten av å læra opp born til å bli gode trafikantar.

Utdelinga markerer starten på den årlege trafikkopplæringa ved Farnes skule. I perioden framover skal 4. – 7. klasse gjennom omfattande teoretiske og praktiske øvingar. Målet er sjølvsagt å gjere elevane til trygge og ansvarlege syklistar. Etter opplæringa, kan 4. klassingane sykle åleine til skulen om føresette og elevar ynskjer det.

Bilete frå utdelinga kan du sjå her.

Påskelunsj i 1. klasse

Fri, 30 Mar 2012 13:13:30 +0200

Torsdag før påske hadde 1. klassingane påskelunsj. Elevane hadde med seg pålegg, og lærarane hadde kjøpt brød , kokt egg og laga kakao. Elevane åt fleire brødskiver og kosa seg med kakao.

Påskekonsert og påskelunsj i 3. klasse

Fri, 30 Mar 2012 12:12:01 +0200

Dei frammøtte fekk oppleve eit flott og variert repertoar med mellom anna vårsongar og blokkfløytemusikk. Elevane framførte også eigne komposisjonar på blokkfløyte. Etter musikkstunda, inviterte elevar og lærarar til påskelunsj i klasseromma. Bilete finn du her.

TAKK !

Tue, 20 Dec 2011 14:22:42 +0100

10. klassane ved Farnes skule har gjennomført arbeidslivstrening i år. Vi takkar difor alle bedriftene for at dei har teke så godt i mot elevane våre! Med dette vil vi ønskja dykk ei retteleg god jul og eit godt nytt samarbeidsår. Helsing Rigmor Skrede – rådgjevar

JULEFEST

Tue, 20 Dec 2011 14:24:35 +0100

Ungdomssteget hadde julefest torsdag 15.12. Elevar og lærarar storkosa seg med god underhaldning frå scena. Det var song , dans, sketsjar og sjølvlaga film. Etter dette var alle samla rundt langbord till eit godt måltid servert av foreldre. Kvelden vart avslutta med dans. Sjå glimt av underhaldninga her.

LUCIA

Tue, 20 Dec 2011 14:23:48 +0100

På Farnes skule er det tradisjon at ungdomssteget får besøk på luciadagen av 2.klasse. Syngjande med kvite klede og lys spreier dei julestemning. Alle får lussekattar som dei har baka sjølve. Flott levert 2.klasse! Tusen takk for ei fin stund. Sjå fleire bilete

Elevøving i naturfag

Thu, 17 Nov 2011 10:45:16 +0100

10 A hadde elevøving om "arbeid" og "effekt" torsdag morgon. Vi målte avstanden frå kjellaren til 2. etasje og vog elevane som ville vere med å springe. Så sprang dei så fort dei kunne mens tidene vart målt med stoppeklokke. Den eleven som gjorde størst "arbeid", var han med størst masse. Den eleven som fekk størst "effekt", var han som hadde størst masse i høve tida.